സംഗീതം എപ്പോഴും ഒരു കുളിർ മഴയാണ്. സംഗീത സാന്ദ്രമായ് അത് ഒഴുകുമ്പോൾ നമ്മെ കൂട്ടികൊണ്ട് പോകുന്നത് നാം ഒരിക്കലും കാണാത്ത തീരങ്ങളിലേക്കും നമ്മൾ മറന്നു തുടങ്ങുന്ന പഴമയിലേക്കോ ആയിരിക്കും. മനുഷ്യ ഹൃദയങ്ങളിൽ പ്രണയത്തിന്റെ നേർത്ത തെന്നലായ് മാറുകയാണ് ഈ ഗാനം. അത്രമേൽ പ്രണായാർദ്രമായ് പാടിയിരിക്കുകയാണിവർ. മലയാളികൾ ഹൃദയത്തിൽ ഏറ്റുവാങ്ങിയ ഗാനമാണ് ഹിമമഴയായി.
തീവണ്ടി എന്ന സിനിമയ്ക്ക് ശേഷം ടോവിനോ തോമസും സംയുക്തയും വീണ്ടും ഒന്നിച്ച ചിത്രമായിരുന്നു എടക്കാട് ബെറ്റാലിയൻ 06. ഈ സിനിമയ്ക്കായി ബി.കെ.ഹരിനാരായണൻ എഴുതി കൈലാസ് മേനോൻ സംഗീതം പകർന്ന് ഹരിശങ്കറും നിത്യമാമ്മനും ചേർന്ന് പാടിയ ഈ ഗാനം സൂപ്പർ ഹിറ്റായിരുന്നു. വർഷയും ജിതിനും ഒരുമിച്ച് പാടിയ ഈ കവർ വേർഷൻ നിങ്ങൾക്ക് ഇഷ്ടമാകും.