മൺമറഞ്ഞു പോയ മലയാളത്തിൻ്റെ പ്രിയ കലാകാരനായ മണിച്ചേട്ടൻ്റെ എക്കാലത്തെയും മറക്കാൻ കഴിയാത്ത ഗാനവുമായി ഇതാ ഒരു കൊച്ചു കലാകാരൻ. സോഷ്യൽ മീഡിയയിൽ തരംഗമായ ആദിത്യ സുരേഷ് എന്ന കുഞ്ഞ് പ്രതിഭ എത്ര മനോഹരമായാണ് ഈ ഗാനം ആലപിച്ചിരിക്കുന്നത്. മനസ്സിൽ നൊമ്പരമുണർത്തുന്ന ഈ ഗാനം നല്ല ഫീലോടെ തന്നെ മോൻ പാടി.
അസ്ഥികൾ ഒടിയുന്ന അസുഖം ബാധിച്ച ആദിത്യ സുരേഷ് കോമഡി ഉത്സവം, തകർപ്പൻ കോമഡി തുടങ്ങിയ ചാനൽ പ്രോഗ്രാമുകളിൽ പങ്കെടുത്ത് കഴിവ് തെളിയിച്ചിട്ടുണ്ട്. പരിമിതികളെ തൻ്റെ കഴിവിലൂടെ മറികടന്ന് ആസ്വാദകരെ വിസ്മയിപ്പിക്കുന്ന ഈ കൊച്ചു പ്രതിഭയെ നമ്മൾ തീർച്ചയായും പ്രോത്സാഹിപ്പിക്കണം. നമ്മെ വിട്ട് പിരിഞ്ഞ മലയാളത്തിൻ്റെ മണികിലുക്കമായ മണിച്ചേട്ടന് ഈ ഗാനം സമർപ്പിക്കുന്നു.